Зарина Диас Жапониядағы топ-турнирдің ширек финалына шықты

Зарина Диас кореялық қарсыласын сенімді түрде жеңді.

Бүгін, 20 қараша күні, Жапонияның Такасаки қаласында ITF-100 сериясындағы хард турнирінің 1/8 финалдық матчы өтті. Онда әлемнің 297-ракеткасы, қазақстандық Зарина Диас пен әлемнің 305-ракеткасы, кореялық Со Хен Пак өзара күш сынасты.

Ойын 1 сағат 49 минутқа созылып, Қазақстан өкілінің екі сеттегі жеңісімен аяқталды — 6:4, 7:6 (8:6).

Бұған дейін бұл спортшылар бір-бірімен кездесіп көрмеген еді. Осы жеңістің арқасында Зарина жеке кездесулерде алға шықты.

Ширек финалда отандасымыз турнир иесі Химено Сакацумеге қарсы ойнайды.