Бонус 10 000 тг

Лицензия №23019645 от 06.09.2023

Бонус 300 000 тг

Лицензия №24358082 от 25.07.2024

"Ел Clasico" жобасы

Футбол. Эмоция. Шоу

Роджер Федерер тенниске қайта оралуға ишара жасады

Сарапшы, спорт журналисі

Теннис аңызы, «Үлкен дулыға» турнирлерінің 20 дүркін жеңімпазы Роджер Федерер кортқа қайтадан тұрақты шыға бастады. Ол әзірге ресми турнирлерге оралуды мақсат етпесе де, көрме матчтарына қатысу және ойыншыларға кеңес беру бағытында белсендірек болатынын айтты.

Роджер Федерер тенниске қайта оралуға ишара жасады
rogerfederer.com

Федерер кортқа қайта шықты

Қазір 44 жастағы, төрт баланың әкесі әрі бұрынғы әлемнің бірінші ракеткасы Роджер Федерер денсаулығы біршама жақсарғанын айтады. Оның сөзінше, бұрын жиі мазалаған жарақаттары енді қатты кедергі келтірмей, кортқа жиі шығуына мүмкіндік беріп жүр.

Шебер теннисші жаттығуларын жоспарлы түрде қайта жалғастырып, көрме турнирлеріне қатысу нұсқасын қарастырып жүргенін жасырмайды.

Федерер отбасылық фронтта да тенниспен тығыз байланыста. Оның 11 жастағы ұлы қазір кәсіби деңгейде тенниспен шұғылданып жүр.

Аңыз спортшы баласының теннистегі мансабын жеке өзі бақылап, менеджер ретінде бағыт-бағдар беріп отыр. Бұл да оның толыққанды бапкерлікке әлі көшпеуінің басты себептерінің бірі.

«Қазір бапкерлікке дайын емеспін, бірақ кеңес беруге әрқашан ашықпын»

Роджер Федерер жақында берген сұхбатында өзінің қазіргі жоспары мен уақытын қайда жұмсап жүргенін ашық айтты.

Теннис жұлдызы отбасына басымдық беретін кезеңде екенін жеткізді:

«Қазір бар назарымды балаларыма аударып отырмын. Бұл – олардың үйден кетпей тұрып, бірге өткізетін өте маңызды кезеңі. Бапкерлікке әзір дайын емеспін, уақытым жеткіліксіз. Мұны бәрі біледі, сондықтан мені бұл жағынан аса мазаламайды. Бірақ ешқашан “ешқашан емес” деме. Егер біреуге кеңес керек болса, мен әрдайым ашықпын, қуана көмектесемін. Бәлкім, бір айдан кейін Дубайда болармын, сол кезде кез келген ойыншы келіп, менімен жолыға алады», – деді Роджер Федерер.

Жуырда пайда болған ақпаратқа сәйкес, 2026 жылы Роджер Федерер халықаралық Теннис Даңқ залына ресми түрде енгізілмек.

Бұл туралы не ойлайсыз?

👍 0
👎 0
😂 0
😡 0

Серіктес жаңалықтары

×
Футбол Теннис Жекпе-жек Хоккей Жаңалықтар Авто Бәрі-бір