Қазақстандық боксшы Надежда Рябец Thailand Open-2025 халықаралық турнирінде сенсациялық жеңіске жетті. 75 келіге дейінгі салмақ дәрежесінің жартылай финалында жапониялық Наоко Касахараны рингтен нокаутпен шығарды.
Жекпе-жектің алғашқы раундында-ақ Рябец рингтегі жағдайды толық бақылауына алды. Қарсыласын бірден қысымға алып, нокдаунға түсірді.
Екінші раунд басталысымен Надежда шабуыл қарқынын үдетіп, Касахараны рингке құлатты. Осы сәттен кейін төреші жекпе-жекті тоқтатуға мәжбүр болды. Қазақстан боксшысы нокаутпен жеңіске жетті.
Айта кетейік, Надежда Рябец Токио Олимпиадасына қатысқан Қазақстанның жалғыз әйел боксшысы. Ол кезде алғашқы айналымда жеңіліп қалған еді. Алайда бұл жеңіс оның қайта өрлеуінің нақты дәлелі.
