UFC-дің жаңа орта салмақ чемпионы Хамзат Чимаев танымал блогер Михаил Литвиннен сирек кездесетін сыйлық алды. Ол спортшыға 1980 жылғы Rolls-Royce автокөлігін тарту етті.
Михаил Литвин былтыр Чимаевпен спаррингке шығып, жекпе-жекті мерзімінен бұрын аяқтаған еді. Сол кезден бері олардың достығы жалғасып келеді.
Бұл жолы блогер чемпионға автокөліктің кілтін өзі табыстап, жұлдызды спортшымен бірге суретке түсті.
Еске сала кетсек, 17 тамыз күні Чикагода (АҚШ) өткен турнирде Хамзат Чимаев Дрикус Дю Плесспен айқасып, төрешілердің бірауыздан шығарған шешімімен жеңіске жетті.
Сый жасаған Михаил Литвин – ресейлік танымал блогер. Оның әлеуметтік желідегі жазылушыларының саны ондаған миллионға жетеді.
