37 жастағы бұрынғы абсолютті әлем чемпионы, АҚШ боксшысы Теренс Кроуфорд алдағы жекпе-жек алдында өзінің физикалық формасын көрсетті. Ол 13 қыркүйекте Лас-Вегаста (Невада штаты, АҚШ) супер орта салмақтағы (76,2 кг дейін) абсолютті чемпион, мексикалық Сауль "Канело" Альвареспен қолғап түйістіреді.
Кроуфорд соңғы рет 2024 жылдың 3 тамызында Лос-Анджелесте (Калифорния, АҚШ) өзбек боксшысы Исраил Мадримовпен кездескен. Жекпе-жек толық 12 раундқа созылды.
Америкалық боксшы төрешілердің бірауызды шешімімен жеңіске жетті (116-112, 115-113, 115-113).
Ал Канело соңғы рет 2025 жылдың 4 мамырында Эр-Риядта (Сауд Арабиясы) шаршы алаңға шыққан. Ол Уильям Скалланы төрешілердің бірауызды шешімімен жеңіп, екінші орта салмақтағы абсолютті әлем чемпионы атағын қайта қайтарып алды.
13 қыркүйекте өтетін бұл кездесу қазіргі бокс әлеміндегі ең күтілетін оқиғалардың бірі.
Кроуфорд – тәжірибесі мол, жеңіл салмақ дәрежелерінде барлық белбеуді иеленген боксшы.
Альварес – әртүрлі салмақ дәрежесінде чемпион болған, әлемнің ең танымал және табысты боксшыларының бірі.
Бұл жекпе-жек жанкүйерлер үшін нағыз тарихи текетірес болмақ.
