UFC президенті Дана Уайт ресми түрде растағандай, ұйым тарихындағы ең ірі турнир АҚШ-тың Тәуелсіздік күніне орай Вашингтондағы Ақ үй алдындағы жасыл алаңда өтеді.
UFC басшысы Ақ үйде өткен кездесуден кейін былай деді:
"Мен үшін бүгін ерекше күн болды. Вашингтоннан жаңа ғана ұшып бара жатырмын. Ақ үйде ресми кездесу өткіздік. Барлығы мінсіз өтті. Бұл шынымен де керемет шоу болмақ. Турнир өтетініне ресми түрде келісім алдық. Алдағы апталарда толық ақпарат жарияланады", – деді Дана Уайт әлеуметтік желіге жүктеген видеосында.
Бұған дейін президент Уайт турнирді ұйымдастыруда бірнеше күмән тудырғанын айтқан болатын:
Алайда барлық кедергілер шешімін тапқан сыңайлы. Дана Уайттың айтуынша, турнир жоспарға сәйкес 2026 жылдың 4 шілдесінде өтеді және ол UFC тарихындағы ең есте қаларлық оқиғалардың бірі болмақ.
