Алматыдағы бокс кешінде Жанқош Тұраров (29-0, 20 KO) рингке қайта оралып, үш нокдаунға соқтырған филиппиндік Али Канеганы (12-3-1, 8 KO) жеңді.
Жанқош Тұраров соңғы рет 2023 жылы жұдырықтасқан. Екі жылдық үзілістен кейін ол Алматыдағы кәсіпқой бокс кешінде рингке қайта шықты. Оның қарсыласы Филиппин бокс федерациясының чемпионы Али Канега болды.
Бұл кездесу бірінші жартылай орта салмақта жоспарланған 10 раундқа созылды. Қазақстандық боксшы көпшілік күткендей қарсыласын мерзімінен бұрын тоқтата алмады.
Жекпе-жектің алғашқы раундында-ақ Тұраров қарсыласын нокдаунға түсірді. Алайда Канега беріспей, соңына дейін айқасты. Соңғы оныншы раундта тағы екі мәрте құлап қалды. Дегенмен нокаутқа түспей, бар дистанцияны аяқтай алды.
Төрешілер бірауыздан жеңісті Жанқош Тұраровқа берді. Осылайша қазақстандық боксшы кәсіпқой мансабындағы 29-жеңісін тіркеп, жеңіліссіз сериясын жалғастырды.
Жанқош Тұраров – бұрын IBO нұсқасы бойынша әлем чемпионы атанған, әзірге ешбір жеңілісі жоқ қазақстандық боксшы.
Али Канега – Филиппиннің ұлттық чемпионы, бірақ бұл жекпе-жекте өзінің кәсіби мансабындағы үшінші жеңілісін тіркеді.
