2025 жылғы Қазақстан чемпионаты Семейде ресми түрде басталды. Турнирге барлығы 371 боксшы тіркелген.
Олардың арасында ерекше назар аударатын есім —Әбілхан Аманқұл. Бұл туралы спорт журналисі Аслан Қаженов жазады.
Жамбыл облысының өкілі бұл жолы 85 келіге дейінгі салмақ дәрежесінде бақ сынайды. Ең қызығы Әбілхан ұзақ үзілістен кейін әуесқой боксқа қайта оралғанын мәлімдеді.
Аманқұлдың жетістіктері аз емес:
Кейін ол кәсіпқой боксқа ауысып, 10 жекпе-жек өткізіп үлгерді. Бірнеше жылдық үзілістен кейін Әбілхан ел чемпионатында тағы да өз деңгейін дәлелдеуге бел буып отыр.
«Әбілхан Аманқұл рингке қайта оралады. Бұл оның жаңа кезеңінің бастауы болуы мүмкін. Сәттілік тілейміз!», – деп жазды журналист Аслан Қаженов Instagram парақшасында.
Айта кетсек, Әбілхан біраз уақыт Мексиканың аңызға айналған Сауль «Канело» Альварестің командасында жаттыққан. Интернетте тараған бір видеода Аманқұлдың спарринг кезінде қарсыласын бір соққымен нокаутқа түсірген сәті кеңінен талқыланған болатын.
Сол кезде «Канелоның» өзі де қазақстандықтың соққы қуатына таңданысын жасырмаған.
