Семейде бокстан Қазақстан чемпионатының жекпе-жектері жалғасып жатыр.
60 келіге дейінгі салмақ дәрежесінде рингке жамбылдық Бибарыс Жексен мен Ақмола облысының өкілі Шыңғыс Мусинов шықты.
Әлем чемпионатына (Ливерпуль) қатысқан тәжірибелі боксшы Бибарыс Жексен жекпе-жек барысында қарсыласын қарсы шабуылдармен қыспаққа алды. Бұл тактика алғашқы раундта нәтижесін беріп, төрешілердің бірауыздан шешімімен (5:0) жеңісті оған берді.
Келесі екі раундта да жағдай өзгермей, Жексеннің үстемдігі сақталды.
Осылайша Ливерпульдегі әлем чемпионатында 1/8 финалда жарыс жолын аяқтаған Бибарыс Жексен Семейдегі Қазақстан чемпионатының келесі айналымына сенімді түрде жолдама алды.
