Қазақстандық жанкүйерлер көптен күткен жекпе-жекті отандық телеарналардан тікелей эфирде тамашалай алады.
7 желтоқсанда WBO және IBF нұсқалары бойынша әлем чемпионы саналатын Жәнібек Әлімханұлы WBA белбеуінің иегері, 42 жастағы кубалық Эрисланди Ларамен рингке шығады. Бұл – орта салмақтағы үш чемпиондық титул бір түнде сарапқа салынатын ерекше біріктіру айқасы. Жекпе-жек жеңімпазы дивизиондағы негізгі белбеулердің басым бөлігіне ие болады.
Айқас АҚШ-та, Техас штатына қарасты Сан-Антонио қаласындағы Frost Bank Center аренасында өтеді. Арена әлемдік деңгейдегі ірі бокс кештерін қабылдап жүрген беделді спорт алаңдарының бірі саналады.
Қазақстандық жанкүйерлер үшін жекпе-жек уақыты таңға сәйкес келеді. Сондықтан маңызды түнді ерте бастауға тура келеді.
Жәнібек Әлімханұлы соңғы рет рингке сәуір айында Астанада шыққан. Сол кеште ол Анауэль Нгамиссенгені нокаутқа жіберіп, WBO және IBF белбеулерін сәтті қорғады.
Бұл жеңіс қазақстандық чемпионның орта салмақтағы беделін күшейтіп, оны біріккен титулдық айқасқа дейін жеткізген маңызды қадам болды.
Сан-Антониодағы бокс кеші тек Жәнібек пен Лара айқасымен шектелмейді. Кештің басты оқиғаларының бірі ретінде Ламонт Роуч (кіші) пен мексикалық жұлдыз Исаак «Питбуль» Крус арасындағы жекпе-жек жоспарланған. Бұл кездесу де жанкүйерлер назарын аудартатын, рейтингке ықпал ететін айқастардың бірі болмақ.
Қазақстандық көрермендер жекпе-жектің толық бағдарламасын төмендегі арналардан тамашалай алады:
7 желтоқсанда таңғы 06:00-де қос арнада бокс кеші тікелей беріледі.
