IBA ӘЧ: Өзбекстандық олимпиада чемпионы келесі кезеңге жекпе-жексіз өтті
Дубайда IBA тұжырымы бойынша өтіп жатқан әлем біріншілігінде өзбек боксшысы Абдумалик Халоков қарсыласы рингке шықпағандықтан автоматты жеңіске ие болды.
Екі дүркін әлем чемпионы, Олимпиада жеңімпазы Абдумалик Халоков бастапқы жекпе-жегін эквадорлық Кевин Маскуераға қарсы өткізуі тиіс еді.
Бірақ эквадорлық боксшы салмақ өлшеу талаптарын орындамаған. Соның салдарынан жекпе-жекке жіберілмей, төрешілер шешімімен жеңіс өзбекстандыққа автоматты түрде жазылды. Осылайша Халоков рингке шықпай-ақ келесі кезеңге жолдама алды.
Айта кетейік, биыл Халоков Ливерпульде өткен әлем чемпионатында World Boxing ұйымы аясында да алтын медаль жеңіп алған еді.
Бұл туралы не ойлайсыз?
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.