Бұл кездесу 19 желтоқсанда, Майами қаласында (АҚШ) өтеді.
WBA нұсқасы бойынша жартылай орта салмақтағы әлем чемпионы Роландо Ромеро алдағы уақытта өтетін Джейк Пол мен Энтони Джошуа арасындағы жекпе-жек туралы пікір білдірді.
Ромеро FightHubTV арнасына берген сұхбатында Джейк Полдың ерекше артықшылығы бар екенін айтты. Оның пікірінше, Пол Джошуамен жекпе-жекке тек жеңісіне толық сенімді болғандықтан келісіп отыр.
«Пол неге Джошуамен айқасуға келісті деп ойлайсыз? Өйткені жеңетініне сенімі бар. Себебі Джейкте кино кейіпкері сияқты, логикаға қайшы болса да, зияннан аман қалатын қорғаныс бар. Мұндай кезде жекпе-жек Гарри Поттер туралы фильмге айналады. Егер сенде "сюжеттік қорған" болса, сен бәрібір жеңесің», — деді Ромеро.
Еске салайық, Джейк Пол мен бұрынғы әлем чемпионы Энтони Джошуа арасындағы айқас — ресми кездесу болып саналады. Ол 19 желтоқсанда, Майами қаласында (АҚШ) өтеді.
