Мұхаммедсабыр Базарбайұлы Әлем кубогын жеңіспен бастады (ВИДЕО)

Қазақстан құрамасының өкілі Мұхамедсабыр Базарбайұлы Бразилияның Фос-ду-Игуасу қаласында өтіп жатқан World Boxing ұйымының Әлем кубогы кезеңінде алғашқы жеңісіне қол жеткізді.

65 келіге дейінгі салмақ дәрежесінде сынға түскен қазақстандық боксшы 1/16 финалда тунистік Хассен Атиамен қолғап түйістірді. Жекпе-жек толық үш раундқа созылып, төрешілер шешімімен Базарбайұлының пайдасына аяқталды.

Қазақстан құрамасының құрамы

Айта кетейік, Әлем кубогына Қазақстан ерлер құрамасы толық құрамда қатысуда. Команда сапында:

• Даниял Сәбит (50 кг)
• Бағлан Кенжебек (55 кг)
• Жансері Көшербаев (60 кг)
• Мұхамедсабыр Базарбайұлы (65 кг)
• Фарух Тоқтасынов (70 кг)
• Санжарәлі Бегалиев (75 кг)
• Диас Молжігітов (80 кг)
• Сұлтанбек Айбарұлы (85 кг)
• Дәулет Төлепісов (90 кг)