Дулат Бекбауов WBA экс-чемпионын тізе бүктірді (ВИДЕО)

Төртінші жеңіс

Евгений Долголевец WBA Inter-Continental белбеуінің бұрынғы иегері саналады. 

Жекпе-жек сегіз раундқа созылып, оның қорытындысында төрешілер бірауыздан қазақстандықты жеңімпаз деп таныды.

Осылайша Дулат Бекбауов кәсіпқой бокстағы төртінші жеңісін тіркеді Оның жаңартылған көрсеткіші — 4 жеңіс, 0 жеңіліс, соның үшеуі нокаутпен аяқталған.

Евгений Долголевец кәсіпқой рингтегі екінші жеңілісіне ұшырады. Беларусь боксшысының ендігі рекорды — 8 жеңіс, 2 жеңіліс, 4 нокаут.

Басты жекпе-жекте IBO белбеуі сарапқа салынады

Алматыдағы бокс кешінің басты кездесуінде қазақстандық Али Ахмедов пен оңтүстікафрикалық Асемахле Веллем қолғап түйістіреді.

Али Ахмедовтың кәсіпқой бокстағы көрсеткіші — 25 жеңіс, 2 жеңіліс, 17 нокаут. Ал оның қарсыласы Асемахле Веллем бұған дейін 11 жеңіс, 2 жеңіліс және 1 тең нәтижеге қол жеткізген.

Қос боксшы жартылай ауыр салмақтағы IBO нұсқасы бойынша әлем чемпионы атағын сарапқа салады.