Қазақстандық дзюдошы қола медальға белдесуде тәжік спортшысы Сунатулло Мусоевты жеңді.
Душанбеде дзюдодан жастар арасында өтіп жатқан әлем біріншілігінде отандасымыз Азат Күмісбай қола жүлде еншіледі.
81 келіде бақ сынаған Азат үшінші орын үшін күресте Тәжікстан балуаны Сунатулло Мусоевқа қарсы татамиге шығып, жекпе-жек қорытындысы бойынша жеңімпаз деп танылды.
Естеріңізде болса, кеше 60 келіге дейінгі салмақ дәрежесінде белдесетін жерлесіміз Талғат Орынбасар та әлем чемпионатының қола жүлдегері атанған еді.
Тәжікстан астанасы Душанбеде дзюдодан жастар арасында әлем чемпионаты өтуде. 7 қазанда аяқталатын турнирде 67 елдің 531 дзюдошысы қатысып жатыр.
