Оның келесі жекпе-жегі британ боксшысына қарсы өтуі тиіс
Орта салмақта WBO және IBF нұсқалары бойынша әлем чемпионы – қазақстандық боксшы Жәнібек Әлімханұлы (16-0, 11 КО) алдағы жекпе-жегіне қатысты жазба жариялады. Былғары қолғап шеберінің айтуынша, ол әлі де жаңалық күтіп жүр екен. Айта кетейік, Дүниежүзілік бокс ұйымы (WBO) Әлімханұлы - Шираз (21-0, 17 КО) айқасына қатысты келіссөздер уақытын созуға рұқсат берген.
«Күтіп отырмын! Жауапты да білемін! Менімен ешкім төбелеспейді! Себебі мен орта салмақтың королімін», — деп жазды Әлімханұлы өзінің X-тегі парақшасында.
Айта кетейік, Хамза Шираз екінші дәрежелі WBC Silver және EBU European белбеулеріне иелік етеді. Ол кәсіпқой бокста 21 кездесу өткізіп бәрінде жеңіске жеткен (17-сі нокаутпен).
