Финалдық айқаста отандасымыз өзбек спортшысынан басым түсті.
Самбодан әлем чемпионатында Қазақстан қоржыны тағы бір «алтынмен» толықты.
64 келіге дейінгі салмақ дәрежесінде белдесетін Есентай Имаханов финалдық кездесуде өзбекстандық Сардор Олимжоновпен кездесіп, 2:1 есебімен жеңіске жетті.
Жарыстың алғашқы екі күнінің қорытындысы бойынша Қазақстанның қоржынында екі алтын, бір күміс және алты қола медаль бар.
