Боксшыларымыз Сербиядағы беделді турнирдің финалына таласты

63,5 келіге дейін салмақта Бекзат Мақжан Сербия өкілі Дмитрий Горбенкомен жұдырықтасты. Жекпе-жек төрешілердің шешімімен 1:4 есебімен жарыс қожайынының жеңісімен аяқталды.

Ал 80 келі салмақ дәрежесінде ақтық сын жолдамасын қазақстандық Ильяр Әшіров қырғыз былғары қолғап шебері Сағын Сатыбалды уулумен сарапқа салды. Мұнда төрешілер 4:1 жеңісті Әшіровке берді. Осылайша отандасымыз “алтын” үшін таласады.