Қазақстандық боксшы Санжар Тәшкенбай Болгария астанасы Софияда өтіп жатқан "Странджа-2025" кубогында күтпеген жеңіліске ұшырады.
48 кг салмақ дәрежесінде 1/4 финалға шыққан Тәшкенбай ирландиялық Луис Рунимен жұдырықтасты. Өкінішке қарай, жекпе-жек қазақстандық спортшы үшін сәтсіз аяқталды.
Бірінші раундта Ташкенбай қарсыласынан төменгі соққы алып, төреші жекпе-жекті тоқтатуға мәжбүр болды. Нәтижесінде Луис Руни техникалық нокаутпен жеңіске жетті.
Тәшкенбай – 2023 жылы Ташкентте өткен бокстан әлем чемпионатының жеңімпазы. Алайда 2024 жылы Тайландтың Чиангмай қаласында өткен Азия чемпионатының финалында ол өзбек боксшысы Шодиерджон Меликузиевке есе жіберген еді.
