Қазақстанда дүниеге келген, бірақ қазір Әзербайжан атынан өнер көрсететін Рафаэль Физиев (12-3) америкалық файтер Джастин Гэтжимен (25-5) жекпе-жекке дейінгі міндетті салмақ өлшеу рәсімінен сәтті өтті.
Физиев жеңіл салмақ дивизионының лимитіне сәйкес келіп, таразыда 70,76 келіні көрсетті. Салмақ өлшеу сәтін төмендегі видеодан тамашалай аласыз.
Еске салайық, Рафаэль Физиев пен Джастин Гэтжи арасындағы жекпе-жек UFC 313 турнирінің негізгі оқиғасы ретінде өтеді. Турнир 9 наурыз, жексенбі күні таңертең Лас-Вегас қаласында ұйымдастырылады.
Физиев соңғы жекпе-жегін 2023 жылдың қыркүйек айында поляк файтері Матеуш Гамротпен (24-3) өткізіп, жарақат салдарынан екінші раундта мерзімінен бұрын жеңіліп қалды. Ал Джастин Гэтжи 2024 жылдың сәуірінде Макс Холлоуэймен (26-8) айқасып, бесінші раундта нокаутпен жеңіліске ұшырады.
