Василий Ломаченконың болашағы бұлыңғыр
Танымал бокс промоутері, Top Rank ұйымының басшысы Боб Арум Василий Ломаченконың мансабы жайлы пікір білдірді.
Боб Арум Ломаченконың денсаулығына алаңдаулы. IBF тұжырымы бойынша әлем чемпионы украиналық боксшының болашағына қатысты сұрақ туындады.
"Ломаченконың болашағы қалай болады дейсіз бе? Шынымды айтсам, білмеймін. Қазір оның беліне қатысты күрделі мәселелері бар. Егер денсаулығы қалпына келсе, ол рингке қайта оралады. Ал егер жағдайы нашарлай берсе – Ломаченконы енді рингте көрмейтін шығармыз", – деді Арум.
Айта кетейік, жақында Top Rank ұйымына украиналық боксшыға қатысты ресми жекпе-жек ұсынысы түскен. Ломаченкоға қарсы WBA тұжырымы бойынша жеңіл салмақтағы әлем чемпионы, америкалық Джервонта Дэвис жұдырықтасқысы келеді.
Бұл туралы не ойлайсыз?
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.