Бүгін Астанада кибер-турнирінің финалы өтеді
Астанада EA FC25 ойыны бойынша ең мықты «фифер» анықталады! Freedom QJ League аясындағы дәстүрлі Freedom Media QJ Cyber Cup турнирі бүгін финалдық кезеңге жетті – үздік сегіздік чемпиондық үшін күш сынасады.
EA FC25 ойыны бойынша ұйымдастырылған дәстүрлі Freedom Media QJ Cyber Cup турнирінде бүгін чемпион анықталады.
Турнир шешуші сәтке жетті
15 маусым күні сағат 16:00-де, Астанадағы Mega Silk Way сауда-ойын-сауық кешенінде Freedom QJ League кибер-турнирінің финалдық кезеңі басталады. Турнир EA FC25 ойыны бойынша өтуде және дәстүрге айналған Freedom Media QJ Cyber Cup атауымен танымал.
Үздік 8 қатысушы
Кеше, 14 маусымда, Freedom QJ League-ке қатысатын клубтардың арасынан ең мықты 22 киберспортшы топтық кезеңде өзара бақ сынады. Қарқынды ойындардың нәтижесінде 8 үздік фифер плей-офф кезеңіне жолдама алды.
Бүгін сол сегіздік арасынан турнир жеңімпазы анықталады.
Астанаға келе алмайтын жанкүйерлер мен EA FC25 әуесқойлары үшін турнир тікелей эфирде YouTube арқылы көрсетіледі.