Фитнес — бұл психология: Өзгерісті бүгіннен баста!
Фитнес — бұл тек дене бітімін жақсарту ғана емес. Тұрақты жаттығулар адамның мінезін шыңдап, өзін-өзі басқаруға, мақсат қою мен оған жетуге үйретеді.
Көпшілік үшін фитнес — артық салмақтан арылу мен дене бітімін жақсарту тәсілі. Алайда оның әсері тек сыртқы келбетпен шектелмейді. Ғылыми зерттеулер мен тәжірибе көрсеткендей тұрақты жаттығулар адамның психологиясына, мінезіне және өмірге деген көзқарасына оң ықпал етеді.
1,2 миллион адамның қатысуымен жүргізілген зерттеу спортпен айналысатын адамдардың жағымсыз көңіл-күй күндері 43%-ға аз болатынын көрсетті. Тағы бір дерек бойынша, күніне 15 минут жүгіру немесе 1 сағат жаяу жүру депрессия қаупін 26%-ға төмендетеді. Бұл — ағзадағы эндорфин мен дофамин секілді гормондардың бөлінуімен байланысты.
Мақсат пен мотивация — дофаминнің күші
Жаттығу кезінде бөлінетін эндорфин көңіл-күйді жақсартады. Ал жаттығу нәтижесінде мақсатқа жеткен сәттерде дофамин әсері арқылы ішкі қанағат сезімі артады. Бұл адамды тәртіпке, табандылыққа және өзін жеңуге үйретеді. Топтық жаттығулар адамдарды біріктіреді. Бұл — мотивацияны арттырып, эмоционалды тұрақтылыққа жол ашады. Зерттеулерге сәйкес, топпен жаттығатындардың белсенділік деңгейі 37%-ға жоғары.
Айнадағы бейне мен ішкі сенім
Физикалық өзгерістер — өз-өзіне сенімділік пен оң көңіл-күйдің көзі. Көптеген адамдар үшін бұл мотивация ғана емес, ішкі трансформацияның бастамасы.
Мичиган университеті анықтағандай, спортпен айналысатын балалар мен жасөспірімдердің көшбасшылық және эмпатия деңгейі жоғары болады. Бұл қасиеттер қазіргі қоғамда табысты болу үшін маңызды.