"Кристал Пэлас" Англия Кубогының жаңа тарихын жазды (ВИДЕО)
18.05.2025, 00:03
Англия футболының басты аренасы — "Уэмбли" стадионы ерекше тарихи сәтке куә болды. Кубок финалында "Кристал Пэлас" сенсация жасап, "Манчестер Ситиді" жеңіп шықты.
bbc.co.uk
Жалғыз трофей үшін күрескен "Сити" жеңісті қолдан жіберді
Бұл маусымда бірде-бір трофей иелене алмаған "Сити" үшін Англия кубогы жалғыз үміт болатын. Алайда фаворит мәртебесіне қарамастан Пеп Гвардиола шәкірттері финалда қарсыластарына есе жіберді.
Эзе — тарихи жеңістің авторы
Ойын тағдырын 16-минутта соғылған жалғыз гол шешті. Лондондық команданың жартылай қорғаушысы Эберечи Эзе қорғаушыларды қапы қалдырып, "Сити" қақпасына жеңіс голын енгізді.
Алғашқы кубок — үлкен сенсация
Бұл "Кристал Пэлас" тарихындағы алғашқы Англия кубогы. Клуб жанкүйерлері үшін бұл жеңіс — тек финалдағы жетістік емес, тұтас маусымның марапаты іспетті.