Алматының «Қайраты» елордалық «Жеңіспен» кездесіп, жанкүйерлерге тартысты ойын сыйлады.
Алматылықтар бірінші таймда толық үстемдік танытты. 12-минутта Дастан Сәтпаев қашықтан шірене соққы жасап, есеп ашты. Ал 37-минутта қақпашымен жеке шығып, дубль авторы атанды.
Екінші тайм басында «Жеңіс» қарымта шабуылмен жауап берді. Адилионың пасынан кейін Исламбек Қуат баспен гол соғып, есепті қысқартты. Дегенмен 80-минутта Александр Мрынскийдің пасын Рикардиньо голға айналдырып, кездесуге нүкте қойды — 3:1.
Бұл жеңістен кейін «Қайраттың» еншісінде 52 ұпай бар. Алматылықтар турнир кестесінде көшбасшылықты қайтарып, басты қарсыласы «Астанадан» екі ұпайға озып шықты. Ал «Жеңіс» 31 ұпаймен турнир кестесінің ортасында қалып отыр.