«Аль-Иттихад» шабуылшысы Карим Бензема карьерасын Еуропада жалғастыруы ықтимал. Инсайдер Экрем Конур таратқан ақпаратқа сәйкес, 37 жастағы француз форвардқа португалиялық «Бенфика» қызығушылық танытып отыр.
Лиссабондық клубтың бас бапкері Жозе Моуринью Бенземаны командаға шақыруды жеке өзі талап еткен. Дегенмен трансфер жүзеге асуы үшін бірнеше шарт орындалуы тиіс.«Бенфика» «Аль-Иттихадқа» 5–7 миллион еуро төлеуі қажет;
Бензема қазіргі табысынан едәуір төмен жалақыға келісуі керек.
Айта кетейік, Бензема мен Моуринью мадридтік «Реалда» бірге жұмыс істеген. Қазір француз шабуылшысы Сауд Арабиясының «Аль-Иттихадымен» 2026 жылға дейін келісімшартқа байланысты. БАҚ дерегінше, оның жалақысы жылына 100 миллион еуроға жетеді.
Transfermarkt порталы Бенземаның қазіргі нарықтық бағасын 7 миллион еуро деп көрсетіп отыр.
