Ресейлік эксперт: “Мен бала кезімнен “Қайратқа” жанкүйермін"
Танымал Ресейлік журналист және спорт комментаторы Дмитрий Губерниев "Чемпионат" порталына берген сұхбатында "Қайрат" пен "Реал Мадрид" арасындағы матч жайлы пікір айтты.
Губерниев мәлімдемесінде Мадридтік клубты "тәкаппар өркөкіректер" деп атап, Алматылық команданы қарсыласын өз орнына қоюға шақырды:
"Менің ойымша, Мадридтік өркөкіректерді өз орнына қою керек. Мен шын жүректен “Қайратқа” жанкүйермін. "Реал” өздерін тым жоғары қояды. "Кайрат", осы қорқақтарға өз орнын көрсетіңдер. Өйткені олар – қорқақтар, әлжуаздар мұны әлем жақында тағы да көрді." – деді ол.
Сонымен қатар ол бұл кездесудің маңыздылығын атап өтті:
"Кайрат” бұл тәкаппарларға қарсы күресе алады. "Реал" негізгі құраммен келді, бұл олардың жеңісті қаншалықты қажет етіп тұрғанын көрсетеді. Мұнда тек ұпай емес, Мадрид есептей білетін сыйақы ақшалары да бар. "Реал" – “Қайрат” үшін мінсіз ынталандырушы. "Атлетикодан" жеңілген соң олардың Алматыдағы матчқа дайындығы тіпті шектен тыс. “Қайрат” – бұл тек Қазақстандық емес, кезінде бүкіл кеңестік футболдың да бренді. Сондықтан алға, "Кайрат"! Мен бала кезімнен “Қайратқа” жанкүйермін, Мадридтік өркөкіректерге емес.” – деп түйіндеді Губерниев.
Естеріңізге салайық, тарихи матч, бүгін, 30 қыркүйек күні сағат 21:45-те Орталық стадионда өтеді.