Азияны таңғалдырған қазақстандық семсерлесуші кім?
Қазақстандық семсерлесуші Вадим Шарлаимов Азия чемпионатында қола медаль жеңіп алды, ал ұлттық құраманың тағы үш спортшысы үздік ондыққа енді.
Қазақстанның намысын қорғаған семсерлесуші Вадим Шарлаимов Азия чемпионатында қола медаль жеңіп алды.
2025 жылғы Азия чемпионатында қазақстандық спортшы ерлер арасындағы жеке сайыста үшінші орынды иеленіп, қола жүлдеге қол жеткізді. Ол жартылай финалда жапониялық Масару Ямададан жеңіліс тапты.
Турнир жеңімпаздары
- Алтын медаль — Қытайлық Ван Цзыцзе
- Күміс медаль — Жапониялық Масару Ямада
- Қола медаль — Қазақстандық Вадим Шарлаимов және қытайлық Синькунь Чжан
Қазақстан құрамасының өзге нәтижелері
Қазақстанның басқа семсерлесушілері де жоғары нәтиже көрсетті. Олар Азия чемпионатында ТОП-10 қатарына енді:
- Руслан Курбанов — 7-орын
- Кирилл Проходов — 9-орын
- Ерлік Сертай — 10-орын
Қазақстандық фехтование спорты Азия деңгейінде жаңа жетістіктерге жетіп отыр. Вадим Шарлаимовтың қола жүлдесі — ел намысын абыроймен қорғаған қажырлы еңбектің жемісі. Сонымен қатар, ұлттық құраманың өзге мүшелерінің жоғары нәтижелері — болашақта бұдан да биік тұғырлардан көрінуге үлкен үміт сыйлайды.