Ресми: Месси әлем чемпионатынан шеттетілді
Ол жаһандық додада өрескел ереже бұзған.
14 жастағы камерундық жүзгіш Леоннель Месси Нгуичи Кома әлем чемпионатынан ресми түрде дисквалификация алды. Бұл туралы Championat.com хабарлады.
Негізгі себеп
Жас спортшы Румынияның Отопени қаласында өтіп жатқан жасөспірімдер арасындағы әлем чемпионатында 50 метрге арқамен жүзу жарысында старт ережесін бұзғаны үшін жарыстан шеттетілді.
Бұл біріншілікте 14–17 жас аралығындағы қыздар мен 15–18 жастағы ұлдар бақ сынайды. Жас мөлшері 2025 жылдың 31 желтоқсанына дейін есепке алынады.
Қатысушылар деңгейі
Айта кетейік, Отопениде өтіп жатқан жасөспірімдер додасына биылғы ересектер арасындағы әлем чемпионатына қатысқан бірнеше спортшы да келген. Олардың қатарында:
- 2025 жылғы әлем чемпионатының күміс жүлдегері, 4×100 еркін стильдегі аралас эстафета қатысушысы Милана Степанова;
- 2025 жылғы Еуропа чемпионатының күміс жүлдегері, 400 м еркін стильде өнер көрсеткен Ксения Мишарина;
- Жасөспірімдер арасындағы Еуропа чемпионы (400 м және 800 м еркін стиль), сондай-ақ 200 метрге жүзуде қола медаль иегері Софья Дьякова.
Леоннель Мессидің жарыстан шығарылуы жасөспірімдер чемпионатына үлкен назар аудартты. Себебі оның аты әлем футболының жұлдызы Лионель Мессимен ұқсас болғандықтан, оқиға әлемдік БАҚ-та кеңінен талқылануда.