Қазақстан Исламиаданың тоғызыншы «алтынын» еншіледі
Эр-Риядта (Сауд Арабиясы) өтіп жатқан Ислам ынтымақтастығы ойындарында жүзуші Софья Сподаренко алтын медаль жеңіп алды.
Софья 100 метр қашықтағы баттерфляй тәсілінде өткен финалда қарсыластарынан айқын басым түсіп, мәреге 1 минут 01,66 секундта жетті.
Оның басты бәсекелестері Түркия спортшылары Дефне Таниг (1:02.05) мен Сехер Кайя артта қалып, тиісінше күміс пен қола медальге ие болды.
Бұл жеңіс Қазақстан құрамасының Исламиада-2025 сайысындағы тоғызыншы "алтын" медалі болды.
Жарнама
Жарнама