Олимпиада чемпионы Александр Винокуров ұлын басшылық қызметке кіргізді

Спорттан — менеджментке

Кіші Александр Винокуров биылғы күзде кәсіби спортшы ретінде мансабын аяқтаған. Спорттан кеткен соң ол Халықаралық велоспорт одағының (UCI) оқу орталығында арнайы дайындық курсынан өтті.

Ал 2026 жылдан бастап, жас маман «Astana Team» командасының спорт директоры қызметін атқаруға кіріседі.

Қандай міндеттер жүктеледі?

Клуб мәліметінше, ол тәжірибе кезеңінде:

• Әлемдік тур деңгейіндегі тәжірибелі спорт директорларымен бірге жұмыс істейді
• Құрлықтық команданың жетекші мамандарынан үйренеді
• Команданың спорттық тиімділік (performance) бөлімімен бірлесіп жұмыс істейді

Бұл оның жаңа лауазымға жылдам бейімделуіне және команда құрылымында тиімді рөл атқаруына бағытталған.

Әке жолын жалғау

Айта кетейік, оның әкесі — Александр Николаевич Винокуров қазір «Astana Team» бас менеджері қызметін атқарады. Осылайша командада Винокуровтар әулеті велоспорттағы басшылық буында қатар еңбек етпек.