Сабина Алтынбекова мансабындағы кезекті титулын жеңіп алды (ФОТО)
23.12.2024, 12:02
Қазақстандық волейболшы қазір индонезиялық клубта өнер көрсетеді.
voi.id
Қазақстандық волейболшы Сабина Алтынбекова Yogya Volley Cup 2024 турнирінің жеңімпазы атанды. Бұл туралы Tengri Sport хабарлады.
Финалдық кездесуде Сабина өнер көрсететін Yogya Falcons (Индонезия) командасы Baja 78-ден басым түсті.
Yogya Volley Cup 2024 турнирі индонезиялық лига маусымының алдындағы дайындық кезеңі саналады. Оған 4 команда қатысты: Yogya Falcons, Baja 78, Yuso және Ganevo.
Айта кетейік, 28 жастағы Сабина Алтынбекова әлемде танымал қазақстандық спортшылардың бірі. Бұған дейін ол БАӘ-нің "Әл-Васл" клубы сапында өнер көрсетті.