"Астана" ВТБ лигасында мәскеулік баскетболшыларды қабылдады (ВИДЕО)
01.02.2025, 17:09
ВТБ Бірыңғай лигасының тұрақты чемпионатында "Астана" мәскеулік МБА-МАИ баскетбол клубымен сынға түсті.
pbcastana.kz
Алғашқы екі ширек қонақтардың басымдығымен өтті. Тек үлкен үзілістен кейін “Астана” ес жиып, төрт ұпай айырмасымен алға шықты. Бірақ матч қорытындысында жеңіс 87:61 есебімен МБА-МАИ еншісіне бұйырды.
“Астана” сапында Григорий Мотовилов 14 ұпаймен үздік сұрмерген атанды. Дэниель Утоми — 13 ұпай, Данила Походяев, Рустам Мырзағалиев — 10, Асқар Майдекин, Андрей Десятников — 6 ұпайдан.
6 ақпанда елордалықтар Екатеринбургке қонаққа барады. Олар жергілікті “Уралмаш” баскетболшыларымен шеберлік байқасады.
ВТБ Бірыңғай лигасы. 29-тур.
“Астана” — МБА-МАИ 61:87 (13:23, 10:19, 24:20, 14:25).