Қазақстандық қыздар үстел теннисінен Словениядағы ірі турнирде ширек финалға шықты

Редактор Penalty.kz
02.04.2025, 16:39

Словенияның Оточец қаласында өтіп жатқан WTT Feeder Otocec II халықаралық үстел теннисі турнирінде Зәуреш Ақашева мен Сарвиноз Міркәдірова жұбы жұтық сында ширек финалға дейін жетті.

olympic.kz

Отандастарымыз 1/8 финалда словениялық Катерина Стразар мен Леа Паулинді 3:1 есебімен сенімді түрде жеңіп шықты.

Бірақ ширек финалда жапониялық Такея Мисузу мен Акае Кахоға 1:3 есебімен жол беріп, жартылай финалға өте алмады.

Ерлер арасындағы жұптық сында Айдос Кенжеғұлов пен Санжар Жұбанов жұбы австриялық Мачей Колодзейчик пен хорватиялық Айвор Банға 1:3 есебімен есе жіберді.

Жекелей сында Қазақстанның үздік ойыншыларының бірі Кирилл Герасименко франциялық Джо Сейфридпен өткен 1/16 финалда 2:3 есебімен жеңіліп қалды.

WTT Feeder Otocec II турнирі — халықаралық маңызы бар ірі жарыстардың бірі. Қазақстандық делегация бұл жарысқа 10 спортшымен қатысып, тәжірибе жинауға және рейтинг ұпайларын арттыруға мүмкіндік алды.