Қазақстандық теннисші Үндістандағы турнирде топ жарды
06.04.2025, 10:35
Григорий Ломакин америкалық Ник Чеппеллмен жұп құрып, Бангалор қаласында (Үндістан) өткен ITF турнирінің жұптық санатында чемпион атанды.
ulyssport.kz
Турнирдің шешуші матчында Григорий Ломакин мен Ник Чеппелл жергілікті үміткерлер — Эс Де Праджвал Дев пен Нитин Кумар Синхаға қарсы шықты. Үндістандықтар турнирге үшінші нөмірмен тіркелген мықты жұп саналған.
Бірақ қазақстандық-америкалық дуэт сенімді ойын көрсетіп, екі сетте — 6:2, 7:6 есебімен жеңіске жетті. Кездесу 1 сағат 23 минутқа созылды.
Ломакин мен Чеппелл турнир фавориттері қатарында болмағанымен әр матчта жоғары шеберліктерін дәлелдеп, шешуші сәтте еш мүдірмеді.
Турнирдің жалпы жүлде қоры — 25 000 АҚШ доллары болды.