Айбек Оралбай қарсыласын нокдаунға жіберіп, ширек финалға жолдама алды (ВИДЕО)
01.07.2025, 22:16
Бокстан әлем кубогының 1/8 финалында шаршы алаңға көтерілген Айбек Оралбай айқын басымдықпен жеңіске жетті.
NUR.KZ
Доминикандық қарсыласын тас-талқан етті
Қазақстандық былғары қолғап шебері 90 келіден жоғары салмақта жарыс жолына шықты. Оның қарсыласы Доминикан Республикасының өкілі Хосе Агустин Трисет болатын.
Оралбай алғашқы раундтан бастап тізгінді өз қолына алды. Екінші раундтың соңында қарсыласын нокдаунға жіберді. Үш раундтың қорытындысы бойынша төрешілердің бірауыздан шығарған шешімімен есеп 5:0 болып аяқталды. Бұл толық үстемдікті білдіреді.
Айбек — Азияның екі дүркін чемпионы
Айта кетейік, Айбек Оралбай — Азия чемпионатының екі мәрте жеңімпазы (2022, 2024). Бұл жолғы жеңісі оны ширек финалға шығарды. Енді ол медаль үшін күресті жалғастырады. Ал Хосе Агустин Трисет турнирден жүлдесіз кетуге мәжбүр болды.