Қыздар мен жігіттер – бәрі рингте! Астанада бүгін 10 жекпе-жек өтеді

Күндізгі сессия (14:00 бастап)

Әйелдер арасындағы жекпе-жектер:

48 кг, 1/4 финал: Назым Қызайбай (Қазақстан) – Фарзона Фозилова (Өзбекстан). Қазақстан мен Өзбекстан арасындағы басты текетірес. Қызайбай тәжірибесі мен техникасына сенім артады.

50 кг, 1/8 финал: Алуа Балқыбекова (Қазақстан) — Дженнифер Лозано (АҚШ). Балқыбековаға америкалық қарсыластың қарқынына төтеп беруі қажет.

80 кг, 1/4 финал: Гүлсая Ержан (Қазақстан) – Рани Поожа (Үндістан). Азиялық дерби. Қос спортшы да финал жолдамасына лайық.

Ерлер арасындағы жекпе-жектер:

50 кг, 1/8 финал: Санжар Тәшкенбай (Қазақстан) – Шодай Кото (Жапония). Техникалық тартыс болары сөзсіз.

80 кг, 1/4 финал: Бекзат Нұрдәулетов (Қазақстан) – Лачлан Лоусон (Австралия). Нұрдәулетов тәжірибесімен ерекшеленеді, бірақ қарсыласы осал емес.

Кешкі сессия (19:00 бастап)

60 кг:

• Виктория Графеева (Қазақстан) – Гизем Өзер (Түркия)

65 кг:

• Аида Әбікеева (Қазақстан) – Дион Бурман (Англия)
• Ертуған Зейноллинов (Қазақстан) – Ахмет Пекель (Түркия)

90 кг – Кештің басты айқасы

• Сағындық Тоғамбай (Қазақстан) – Малачи Джорджс (АҚШ)

Тоғамбайдың қарсыласы – америкалық сенсация. Алғашқы кездесуінде Джорджс атақты италиялық Мухийдинді нокаутқа жіберген болатын. Бұл шайқас – бүкіл кештің кульминациясы!