Қазақстандық боксшы Гүлназ Бөрібаева Таиландта жастар арасындағы Азия чемпионатының финалына жолдама алды.
48 келі салмақ дәрежесінде өнер көрсетіп жатқан Гүлназ жартылай финалда Моңғолия боксшысы Биндерия Содон-Одпен қолғап түйістірді. Кездесу үш раундқа созылып, барлық төреші жеңісті Бөрібаеваға берді.
Гүлназдың жеңісінен бірнеше сағат бұрын Қазақстанның бес ер боксшысы финалға шыққан. Олар – Нұрислам Қалдыбаев, Илья Калинин, Нұрбек Мұрсал, Санжарәлі Бегалиев және Темірлан Мұқатаев.