Қазақстан — Өзбекстан жекпе-жегі айқын жеңіспен аяқталды (ВИДЕО)
Тайланд астанасы Бангкокта World Boxing ұйымы ұйымдастырған жастар арасындағы алғашқы Азия чемпионатында (U19) жартылай финалдық жекпе-жектер жалғасуда.
Құралай Егінбайқызы Азия чемпионатының финалына шықты
Қазақстан намысын 80 келіге дейінгі салмақта қорғаған Құралай Егінбайқызы финалға жолдама үшін өзбекстандық Рухшона Парпиеваға қарсы шықты. Үш раунд бойы айқын басымдық көрсеткен Құралай жекпе-жекті төрешілердің бірауызды шешімімен (5:0) жеңді.
Финал қашан өтеді?
U19 Азия чемпионатының финалдық айқастары 10 тамызда өтеді. Қазақ жанкүйерлері Құралайдың алтын үшін тартысын осы күні тамашалай алады.
Биылғы екінші ірі жеңіс
Айта кетейік, Құралай Егінбайқызы биыл мамыр айында Шри-Ланка астанасы Коломбода өткен IBA және ASBC ұйымдастырған жастар арасындағы Азия біріншілігінде де жеңімпаз атанған. Ол жарыста Қазақстан құрамасы жалпы есепте 41 алтын медаль иеленіп, тарихи нәтиже бағындырды.