Бангкоктағы World Boxing ұйымының жастар арасындағы алғашқы Азия чемпионатында (U19 және U22) жартылай финалдық жекпе-жектер қыза түсті.
60 келіге дейінгі салмақта қазақ боксшысы Әділет Төртүбек пен өзбекстандық Абдурахмон Махмуджонов арасындағы кездесу нағыз бокс жанкүйерлері күткен "рингтегі классикаға" айналды. Үш раундқа созылған тартысты айқаста төрешілер 3:2 есебімен жеңісті Төртүбекке берді. Осылайша қазақстандық боксшы алтын жүлде үшін финалда бақ сынайды, ал қарсыласы Махмуджонов қола медальмен шектелді.
Бұл Бангкоктағы Азия чемпионаты — World Boxing ұйымы өткізген жастар арасындағы алғашқы құрлықтық дода. Жарысқа 19 жасқа дейінгі және 22 жасқа дейінгі үздік спортшылар қатысып жатыр.
