Қазақстандық каратэші XII Дүниежүзілік ойындарының күміс жүлдегері атанды
08.08.2025, 17:28
Қытайдың Чэнду қаласында өтіп жатқан XII Дүниежүзілік ойындарында каратэден Қазақстан қоржынына алғашқы жүлде түсті. Әйелдер арасындағы 50 келі салмақ дәрежесінде Мөлдір Жаңбырбай күміс медаль иемденді.
ФОТО: Спортты дамыту дирекциясы
Финалдағы тартысты айқас
Әлем чемпионы атанған жерлесіміз шешуші бәсекеде ирандық Сара Бахманиермен кездесті. Негізгі уақыт 0:0 есебімен аяқталғанымен төрешілер қарсыластың белсенді қимылы үшін жеңісті соған берді.
Жаңбырбайдың жарыс жолындағы нәтижелері:
- Силия Уикен (21 жасқа дейінгі әлем чемпионы) — 4:0
- Йоргелис Салазар (2022 жылғы Дүниежүзілік ойындарының күміс жүлдегері, әлем чемпионатының қола жүлдегері) — 3:0
- Жунхуй Ванг — 0:1
Жартылай финал:
- Ема Сгарделли (екі дүркін Еуропа чемпионы) — 3:2
Тарихтағы үшінші жүлде
Бұл жетістік Қазақстан үшін Дүниежүзілік ойындар тарихындағы үшінші медаль болып тіркелді. Бұған дейін 2009 жылы Халид Халидов, ал 2022 жылы АҚШ-тың Бирмингем қаласында Софья Берульцева жүлдегер атанған еді.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet
Реклама
Реклама