Бейбарыс Әшірбай Таиландтағы World Boxing ұйымы ұйымдастырған жастар арасындағы алғашқы Азия чемпионатының (U19 және U22) финалында өнер көрсетеді.
70 келіге дейінгі салмақ дәрежесінде өнер көрсеткен қазақстандық жартылай финалда Оңтүстік Корея боксшысы Дже Юнь Лимді айқын басымдықпен жеңді.
Бірінші және екінші раундта қарсыласын нокдаунға жіберген Әшірбайдың соққыларына төтеп бере алмаған корейлік спортшыны төреші тоқтатуға мәжбүр болды. Осылайша жекпе-жек мерзімінен бұрын аяқталып, жеңіс қазақстандық боксшының еншісіне жазылды.
