Қазақ боксының қос жұлдызы – Геннадий Головкин мен Жәнібек Әлімханұлының кездесуі бейнежазба түрінде жарияланды.
Боксшылар 23 сәуірде жүздескен. Ол кезде Әлімханұлы тек суреттерін бөліссе, қазір Головкиннің жүрекжарды сөздері жазылған видеоны жариялады.
Головкин Әлімханұлына қарата былай деді:
“Біздің елге қазір нағыз батырлар қажет. Мен – бір буынмын, ал сен – келесі. Қазақстан сен үшін оянады, саған еліктейді. Сен бәрін бағындыра аласың! Келесі ұрпақтың қаһарманы болуға тиіссің!”
Геннадий Головкин (43 жаста): орта салмақта WBA, WBC, IBF, IBO тұжырымдары бойынша әлемнің бұрынғы чемпионы, Pound-for-Pound рейтингтерінің экс-лидері. Соңғы рет рингке 2022 жылдың қыркүйегінде шықты. Әлі ресми түрде мансабын аяқтамаған. 2024 жылдың ақпанынан бері Қазақстан Ұлттық Олимпиада комитетінің президенті.
Жәнібек Әлімханұлы (32 жас): орта салмақта WBO және IBF тұжырымдары бойынша қазіргі әлем чемпионы. Кәсіпқой бокста 17 жеңіс, соның ішінде 12 нокаут. Әлемнің үздік орта салмақ боксшыларының қатарында (BoxRec, The Ring рейтингтері).