Тиранада еркін күрестен Мұхамет Малоны еске алуға арналған халықаралық турнир өтіп жатыр.
Айтмұхан 97 келіге дейінгі салмақ дәрежесінің жартылай финалында әлемге танымал ресейлік балуан Абдулрашид Садулаевпен белдесті. Айта кетейік, Садулаев бұған дейін ширек финалда Нұрдәулет Бекеновті жеңген.
Жартылай финалда Ресей өкілі айқын басымдық танытып, кездесуді 14:3 есебімен аяқтады. Осылайша Садулаев финалға жолдама алды.
Бұл нәтиженің салдарынан Нұрдәулет Бекенов жұбаныш белдесулерінде өнер көрсету мүмкіндігіне ие болды. Ал Ризабек Айтмұхан бірден қола жүлде үшін күреседі.
Турнирдің финалында Абдулрашид Садулаев өз отандасы Магомед-Тагир Ханиевпен күш сынасады. Ханиев ширек финалда күтпеген нәтижеге қол жеткізіп, Садулаевтың принципті қарсыласы саналатын америкалық Кайл Снайдерді 10:4 есебімен тізе бүктірді.