Гэтжи Топурияны сенсациялық түрде жеңіп, UFC чемпионы атанды
Топурия кәсіби мансабында бірде-бір рет жеңілмеген.
АҚШ астанасы Вашингтонда Ақ үй аумағында UFC Freedom 250 турнирі өтті. Испания атынан өнер көрсететін грузиялық файтер Илия Топурия мен америкалық Джастин Гэтжи жеңіл салмақтағы чемпиондық белбеулерді сарапқа салды.
Жекпе-жек алдында UFC-дің негізгі чемпионы мәртебесіне ие болған Топурия кәсіби мансабында бірде-бір рет жеңілмеген спортшы ретінде октагонға шықты. Ал Гэтжи дивизионның уақытша чемпионы болатын.
Жекпе-жек барысы
Бес раундқа жоспарланған чемпиондық жекпе-жек мерзімінен бұрын аяқталды. Кездесу барысында ауыр соққылар өткізіп алған Илия Топурия бесінші раундқа шығудан бас тартты. Осыдан кейін төреші жеңісті Джастин Гэтжиге беріп, америкалық файтерді айқастың жеңімпазы деп жариялады.
Осылайша, америкалық файтер мансабындағы 28-жеңісіне қол жеткізіп, уақытша чемпиондық атағын қорғап қана қоймай, жеңіл салмақтағы UFC чемпионы атанды. Ал Илия Топурия аралас жекпе-жек өнеріндегі кәсіби мансабында алғаш рет жеңілістің ащы дәмін татты.
Айта кетейік, турнирдің қосалқы басты жекпе-жегінде бразилиялық Алекс Перейра мен франциялық Сирил Ган ауыр салмақтағы уақытша чемпиондық белбеуді сарапқа салды. Кездесу екінші раундта аяқталып, Сирил Ган техникалық нокаутпен жеңіске жетті.