Қазақстанда бесеу, Өзбекстан боксшылары неше "алтын" алды?
Қытайдың Гуйян қаласында өткен World Boxing Әлем кубогында Өзбекстан құрамасының жеті боксшысы финалға шықты. Олардың төртеуі алтын медаль жеңіп алса, үшеуі күміс жүлдегер атанды.
Финалдық кездесулер арасында Қазақстан мен Өзбекстан арасындағы тартысты айқас та болды. 50 келіге дейінгі салмақта өзбекстандық Асилбек Жалилов қазақстандық Санжар Тәшкенбаймен кездесіп, 2:3 есебімен жеңіліп қалды.
Өзбекстан құрамасы төрт алтын алды
Өзбекстан боксшылары Гуйяндағы турнирдің финалында бірнеше салмақта жеңіске жетті.
- 60 келіге дейінгі салмақта Абдумалик Халоков бразилиялық Луиз Габриелді 5:0 есебімен айқын жеңіп, алтын медаль иеленді.
- 90 келіге дейінгі салмақта Тұрабек Хабибуллаев та турнир жеңімпазы атанды. Оның финалдағы қарсыласы, Англия өкілі Айзек Око жекпе-жектен бас тартқандықтан, жеңіс өзбекстандық боксшыға берілді.
- Әйелдер арасында 57 келіге дейінгі салмақта Нигина Уктамова үндістандық Прачиді 5:0 есебімен ұтып, алтын жүлдеге қол жеткізді.
- 80 келіге дейінгі салмақта Жавохир Умматалиев бразилиялық Вандерлей Перейрамен тартысты айқас өткізіп, 3:2 есебімен жеңіске жетті.
Тәшкенбайдан жеңілген Жалилов күміспен шектелді
Өзбекстан құрамасының үш өкілі финалда қарсыластарына жол беріп, күміс медаль алды.
- 48 келіге дейінгі салмақта Фарзона Фозилова үндістандық Жётиге 0:5 есебімен есе жіберді.
- 50 келіге дейінгі салмақта Асилбек Жалилов Қазақстан боксшысы Санжар Тәшкенбаймен кездесті. Үш раундқа созылған тартысты жекпе-жекте төрешілер жеңісті Тәшкенбайға берді. Қорытынды есеп — 3:2. Осылайша Жалилов күміс медальмен шектелді.
- 80 келіден жоғары салмақта Олтиной Сотимбоева қытайлық Йилиан Жанға 2:3 есебімен жеңіліп, екінші орын алды.
Гуйяндағы турнирге 44 ел қатысты
World Boxing Әлем кубогының екінші кезеңіне жалпы 44 елден 333 боксшы қатысқан. Қазақстан құрамасы бұл жарысқа 17 спортшы апарды.
Ұлттық құрама сапынан бес боксшымыз финалға дейін жетіп, бесеуі де алтын медаль иеленді.