Өзбекстандық әлем чемпионы жаттығуын АҚШ-та жалғастырып жатыр
Бокстан Өзбекстан құрамасының көшбасшыларының бірі Жавохир Умматалиев АҚШ-та оқу-жаттығу жиынын өткізіп жүр.
Умматалиев Америкада дайындалуда
Британиялық Boxing Media порталының Instagram парақшасында 21 жастағы боксшының АҚШ-тағы залдардың бірінде жаттығып жатқан видеосы жарияланды. Кадрлардан өзбекстандықтың физикалық дайындығына ерекше көңіл бөліп, алдағы кездесулеріне қарқынды әзірленіп жүргенін көруге болады.
"Әуесқой бокстың жұлдызы Жавохир Умматалиев қазір АҚШ-та жаттығып жатыр", – делінген жарияланымда.
Қазақстандық боксшыны да жеңген
Жавохир Умматалиев – 2025 жылғы World Boxing әлем чемпионатының жеңімпазы. Сонымен қатар Қытайдағы Әлем кубогында алтын медаль иеленді. Турнирдің финалында Умматалиев Сабыржан Аққалықовты төрешілердің даулы шешімімен жеңген.
Өзбекстандық боксшы кәсіпқой рингтегі алғашқы жекпе-жегін 2025 жылдың 28 қарашасында Ресейдің Челябі қаласында өткізді. Әзербайжандық Рахим Әлиевтен басым түсті.
Умматалиев екінші кездесуін 9 мамырда Манчестердегі Co-op Live Arena кешенінде өткізіп, польшалық Дамиан Драбикті нокаутқа түсірді.
Бұған дейін боксшы әйгілі промоутер Фрэнк Уоррен басқаратын британдық Queensberry Promotions компаниясымен келісімшарт жасасқан.
АҚШ-қа аттанғанға дейін Жавохир Умматалиев Ташкентте тұрып, Өзбекстан құрамасының сапында жаттықты. Оның дайындығына белгілі маман Акмаль Хасанов жетекшілік еткен.