Төрехан Сабырхан Қазақстанға Азиададағы оныншы алтынды сыйлады
70 келіге дейінгі салмақ дәрежесінің финалында қазақстандық боксшы Иордания өкілі Зеяд Ишаишпен кездесті.
Қазақстандық боксшы Төрехан Сабырхан Жапонияның Айти мен Нагоясында өтіп жатқан 2026 жылғы Азия ойындарының чемпионы атанды.
70 келіге дейінгі салмақ дәрежесінің финалында қазақстандық боксшы Иордания өкілі Зеяд Ишаишпен кездесті.
Үш раундқа созылған жекпе-жекте Төрехан Сабырхан айқын басымдық танытып, төрешілердің бірауыздан шешімімен 5:0 есебінде жеңіске жетті.
Осылайша, 20 жастағы қазақстандық боксшы Азия ойындарының алтын медалін иеленді. Ал Зеяд Ишаиш күміс жүлдеге ие болды.
Қазақстан қоржынында 10 алтын
Сабырханның жеңісінен кейін Қазақстан құрамасының Азия ойындарындағы медаль саны тағы артты.
Қазір ұлттық құраманың еншісінде:
- 10 алтын;
- 19 күміс;
- 37 қола медаль бар.
Төрехан Сабырханның жүлдесі Қазақстанның Жапониядағы Азия ойындарындағы оныншы алтын медалі болды.
Төрехан – әлем чемпионы
Төрехан Сабырхан – 2025 жылғы World Boxing нұсқасы бойынша әлем чемпионы.
Ал оның финалдағы қарсыласы Зеяд Ишаиш сол әлем чемпионатында қола жүлде алған. Бұған дейін иорданиялық боксшы 2022 жылғы Азия чемпионатында күміс, 2018 жылғы Азия ойындарында қола медаль иеленген.