Қазақстан Азиадада алғаш рет виртуалды таеквондодан медаль жеңіп алды
Рита Бакишева Айти-Нагояда өтіп жатқан Азия ойындарында виртуалды таеквондодан қола жүлдегер атанды.
Қазақстандық спортшы сайысты 1/8 финалдан бастап, иорданиялық Мохаммада Аладарбиді 2:0 есебімен жеңді. Ширек финалда Бакишева Үндістан спортшысы Кашиш Маликтен 2:1 басым түсіп, жартылай финалға жолдама алды.
Финалға шығу үшін өткен кездесуде қазақстандық спортшы Филиппин таеквондошысы Жеус Габриель Дерик Япемен кездесті. Бұл жекпе-жекте Бакишева 0:2 есебімен жеңіліп, Азия ойындарының қола медаліне ие болды.
Виртуалды таеквондо Азия ойындарының бағдарламасына алғаш рет енгізілді. Бұл дисциплинада спортшылар VR технологиялары арқылы бақ сынайды, олардың қимылдары арнайы датчиктердің көмегімен тіркеліп, виртуалды кеңістікке беріледі. Қарсыластар арасында тікелей физикалық байланыс болмайды.
Осылайша, Рита Бакишеваның қола медалі Қазақстанның Азия ойындарындағы виртуалды таеквондодан алғашқы жүлдесі болды.