Белал: Шавкатты таптап өтемін

Жартылай орта салмақ дәрежесі бойынша UFC чемпионы Белал Мұхаммад (24-3) қазақстандық файтер Шавкат Рахмоновқа (18-0) қарсы жекпе-жек алдында мәлімдеме жасап, хейтерлеріне жауап берді. 

«Шавкатты таптап өтемін. Октагонға шыққан кезде бәрі жеңіл өтіп жатқандай етіп әрекет етемін. Сонда бұл адамдардың аузуына құм құйылады. Оған көкесін көрсетемін», - деді Мұхаммад. 

Естеріңізге сала кетейік, Белал Мұхаммад пен Шавкат Рахмонов 7-ші желтоқсаны күні Лас-Вегас қаласында UFC 310 турнирі аясында жұдырықтасады. Бұл жекпе-жек отандасымыз үшін UFC-дегі жетінші айқас болады. Бұған дейінгілердің бәрінде ол мерзімінен бұрын жеңіске жеткен болатын.